మనసా పద

సూర్యుడే నిశిలో రాలిపోని, కరుణను భావమే అంతమవనీ

చెడుకే బలగము తోడ్పడని, మనుషులు బంధమే మరచిపోనీ,

బాధే మనసుని తొలిచేయని, నీ ప్రేమే గెలుచునులే.......

మనసా ఇక, పరుగాగక, నను చేరుకో, ఈ దరికి రా, ప్రేమే ఎన్నడూ ఓడదులే

చరణం 1 : 

ఇరువురి స్థితి గతి వేరవని, మన ప్రేమల గురుతులు మసకవనీ,

ఋతువుల గుణములు తడబడనీ, పిల్లలు పువ్వులు బోసిపొనీ,

ప్రకృతి సర్వము మారిపోనీ, మన ప్రేమే మారదులే..........

చరణం 2 :

భయపడకు, బెదురిడకు, నిను వీడి పోవును వేదనే,

తగు సమయం, నీ సమరం, తల వంచును ఈ విశ్వం.

మది ఖననం, మరు జననం, ఇక అంతము లేనిది ప్రేమయే,

ఇది నిజమే, ఇక ఉండదు కన్నీరే.....